Жалал-Абаддын Кызыл-Жар айылына 127 млн сомго мектеп курулуп жатат
Сузак районунун Кызыл-Жар айылында 375 орундуу мектеп салынып жатат. Курулушу мамлекеттик казынадан каржыланып, долбоордун наркы 127 миллион сомду түзөт. Бул тууралуу Курулуш министрлигинен билдиришти.
Башкы план боюнча мектепте заманбап үлгүдөгү окуу класстар, спорт залы, компьютердик класс, китепкана, ошондой эле балдар жана кыздар үчүн атайын эмгек класстары каралган.
Эки кабаттуу имараттын жалпы аянты 2297 чарчы метр. Мектеп пайдаланууга берилисе 750 окуучунун заманбап шартта билим алуусуна мүмкүнчүлүк түзүлөт.
Мектеп 2022-жылдын декабрь айында курулуп башталган, учурда 90%дык жумуш аткарылды.
