"АгроДиалог-2026": Кыргызстанда айыл чарбанын чемпиондору аныкталат

"АгроДиалог-2026": Кыргызстанда айыл чарбанын чемпиондору аныкталат

18-19-20-21-февраль күндөрү Кыргызстанда агроөнөр жай тармагы үчүн маанилүү болгон "АгроДиалог-2026" агроөнөр жай форуму өтөт. Иш-чаранын алкагында республика боюнча айыл чарба тармагындагы мыктылардын мыктысы аныкталып, 20 өсүмдүк өстүрүү жана 20 мал чарбачылыгы боюнча чемпионтандалат.

Форумга жакынкы жана алыскы чет өлкөлөрдөн агрардык тармактын алдыңкы эксперттери, ошондой эле тажрыйбалуу дыйкан-фермерлер катышат. Алар айыл чарбасында ийгиликке жетүүнүн жолдору, заманбап ыкмалар жана практикалык тажрыйбалары менен бөлүшүшөт.

Иш-чаранын негизги бөлүгү 18-19-20-февраль күндөрү саат 09:00дөн тартып К.И. Скрябин атындагы Кыргыз улуттук агрардык университетинде өтөт. Ал эми форумдун жыйынтыктоочу салтанаты 21-февраль күнү Токтогул Сатылганов атындагы Кыргыз улуттук филармонияда уюштурулат.

Форумдун алкагында ар бир багыт боюнча чемпион аталган мыкты дыйкан-фермерлер кызыл килемден өтүп, салтанаттуу түрдө сыйланышат. Ошондой эле иш-чара агроөнөр жай тармагында өнөктөштөрдү табууга, бизнес байланыштарды кеңейтүүгө, продукцияны өнүктүрүүгө жана экспортко чыгарууга кеңири мүмкүнчүлүк түзөт.

Форумдун күн тартиби:

  • 18-февраль — өсүмдүк өстүрүү;
  • 19-февраль — мал чарбачылыгы;
  • 20-февраль — кайра иштетүү жана экспорт;
  • 21-февраль — жыйынтыктоочу салтанат.
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Ысык-Көлдө 1000ден ашык жаранга акысыз медициналык консультациялар берилди

Самарканд марафонуна 70тен ашык өлкөнүн өкүлдөрү катышууда

Жарандык авиация агенттиги C5+1 конференциясына катышты

Москва районунда ишке ашырылып жаткан инвестициялык долбоорлор аталды

Токмокто 5 жылда 28 социалдык объект пайдаланууга берилген