Оштогу тергөөчүлөр пара талап кылгандыгы үчүн кармалды
Акча талап кылуу фактысы боюнча Кара-Суу жана Араван райондук ички иштер бөлүмдөрүнүн тергөөчүлөрү кармалды. Бул тууралуу УКМКдан билдиришти.
Кара-Суу районунун Нариман айылынын аймактык милиция бөлүмүнүн тергөөчүсү О.Г.О. тарабынан 3 000 доллар өлчөмүндө акча талап кылуу фактысы аныкталган.
Такталгандай, кармалган О.Г.О. кызмат абалынан кыянаттык менен пайдаланып, материалдык пайда алуу максатында, 2024-жылы декабрда алдамчылык үчүн катталган факты боюнча тергөөгө чейинки өндүрүштө текшерүү иштерин токтотууну убада кылып, К.у.О. аттуу жарандан 3 000 доллар акча каражатын талап кылган.
Белгилей кетсек, О.Г.О. жана К.у.О. экөөнүн ортосунда Араван райондук милициясынын тергөөчүсү С.Н.С. ортомчулук кылган.
Натыйжада 1 600 доллар акча каражатын алып жаткан жеринен О.Г.О. и С.Н.С. кармалып, УКМКнын тергөө камак жайына киргизилди.
