Кара-Балтадагы 105,9 млн сомдук объект мамлекетке кайтарылды
Жайыл районунда 105,9 млн сомдук социалдык объект мамлекетке кайтарылды. Бул тууралуу Башкы прокуратурадан билдиришти.
Маалыматка ылайык, Жайыл районунун прокуратурасы тарабынан жүргүзүлгөн текшерүүнүн жүрүшүндө 2004-жылы Кара-Балта шаарынын Центральная көчөсүндө жайгашкан социалдык объект — автобаза жер тилкеси менен кошо мыйзам талаптарын бузуу аркылуу жеке жактарга өткөрүлүп кеткендиги аныкталган.
Көрүлгөн прокурордук чаралардын натыйжасында жалпы аянты 1,4 гектарды түзгөн, базар баасы 105,9 млн сом деп бааланган аталган социалдык объект толугу менен мамлекеттин менчигине кайтарылды.
