Коом

2030-жылы саламаттык сактоо тармагынын бюджети 130 млрд сомго жетет

Ишкер Media

29 янв 2026 10:25

Министрлер Кабинетинин Төрагасынын орун басары Эдил Байсаловдун төрагалыгы алдында Саламаттык сактоо министрлигинин 2025-жылдагы ишинин жыйынтыгы жана 2026-жылга карата артыкчылыктары боюнча коллегиялык жыйын өттү. Бул тууралуу Өкмөттүн басма сөз кызматынан билдиришти.

Жыйынга саламаттык сактоо министри Каныбек Досманбетов, Жогорку Кеңештин өкүлдөрү жана тармак жетекчилери катышты.

Эдил Байсалов саламаттык сактоо тутуму отчеттор менен эмес, бейтаптар үчүн реалдуу натыйжалар аркылуу бааланарын белгиледи. Анын айтымында, негизги маселелер — дары-дармектин жеткиликтүүлүгү, дарыгерлер жана иштеп жаткан жабдуулар.

Маалыматка ылайык, 2025-жылы тармакка 52,4 млрд сом бөлүнгөн. Болжол боюнча, 2030-жылы саламаттык сактоонун бюджети 130 млрд сомго жетиши мүмкүн. Негизги жетишкендиктер катары медициналык мекемелерди куруу жана оңдоо, жабдууларды жаңылоо, санариптик сервистерди өнүктүрүү жана Бишкекте медициналык шаарча долбоору аталды.

Коллегияда 2026-жылы көңүл бурула турган багыттар — эне жана баланын саламаттыгы, стационарлардын ишин жакшыртуу жана дары-дармек менен үзгүлтүксүз камсыздоо экени белгиленди.

Жыйынтыгында калкка медициналык жардамдын сапатын жана жеткиликтүүлүгүн жогорулатууга багытталган артыкчылыктар аныкталды.

Мындан тышкары окуңуз

Садыр Жапаров: Баткендин кирешеси 777 млн сомго өстү

Өлкө башчысы Садыр Жапаров бүгүн Баткен облусуна болгон иш сапарынын алкагында Сүлүктү шаарынын жана Лейлек районунун тургундары менен жолугушту. Бул тууралуу президенттин администрациясы билдирди. Жолугушууда мамлекет башчысы аймактардын өнүгүүсү туруктуу өсүү менен түздөн-түз байланыштуу экенин белгиледи. "Алгач Баткен облусунун бюджети тууралуу сөз кыла кетейин. 2020-жылы жергиликтүү бюджеттин

Энергетика министри Токтогул ГЭСинин күз-кышка даярдыгын текшерди

Энергетика министри Алтынбек Рысбеков Жалал-Абад облусуна болгон жумуш сапарынын алкагында Токтогул ГЭСине барып, энергетикалык объектилердин күз-кыш мезгилине даярдыгын текшерди. Бул тууралуу министрликтен кабарлашты. Министр станциянын жабдууларынын учурдагы абалы, оңдоо иштери жана 2026-2027-жылдардын күз-кыш мезгилине даярдык менен таанышты. Маалыматка ылайык, модернизация долбоорунун алкагында Токтогул ГЭСиндеги төрт

Кара-Кулжада жер көчкү болуп, 2 үй-бүлө эвакуацияланды

10-октябрда саат 14:00 чамасында Ош облусунун Кара-Кулжа районуна караштуу Тогуз-Булак айылынын Доңуз-Ой тилкесинде жер көчкү активдешкен. Бул тууралуу Өзгөчө кырдаалдар министрлиги билдирди. ӨКМдин маалыматына ылайык, жер көчкүнүн жаракасынын узундугу болжол менен 220 метрди, көлөмү 42 800 куб метрди түзөт. Жылыш ылдамдыгы саатына 1,1 метрди

Лейлекте 143 ишкана ачылып, 356 объект курулду

Өлкө башчысы Садыр Жапаров бүгүн Баткен жана Ош облустарына болгон иш сапарынын алкагында Лейлек районунун жана Сүлүктү шаарынын социалдык-экономикалык өнүгүүсү менен таанышты. Бул тууралуу президенттин администрациясы билдирди. Лейлек районунун акими Асылбек Женишбек 2021-2026-жылдары аткарылган иштер тууралуу маалымат берди. Анын айтымында, райондо өндүрүлгөн продукциянын көлөмү 617,8 млн