Бишкектеги жеке мектепте коопсуздук жана санитардык талаптар бузулганы аныкталды
Кечээ шаар тургундарынын кайрылуусунун негизинде Бишкек шаарындагы "Креатив Таалим" жеке мектебинде жеринде текшерүү жүргүзүлдү. Иш-чарага мэрдин орун басары Виктория Мозгачева катышты.
Муниципалитеттен билдиришкендей, текшерүү учурунда мектеп аймагында коопсуздук талаптарынын олуттуу бузулуулары аныкталды. Атап айтканда, жогорку кооптуу жылуулук берүүчү жай эркин кирүүгө ачык болуп, ачык чуңкурлар катталган. Мектепке чектеш аймакта антисанитардык абал орун алып, бул балдардын коопсуздугуна коркунуч жаратат.
Ошондой эле от жагууда колдонулган жабдуулар газ тазалоочу системаларсыз иштеп жатканы белгилүү болду. Мындан тышкары, үчүнчү кабаттагы окуу бөлмөлөрү өрт жана санитардык талаптарга жооп бербейт деп табылды.
Буга байланыштуу тиешелүү мамлекеттик органдарга жана Агартуу министрлигине кайрылуу жөнөтүлөт. Мектеп жетекчилигине аймакты жана имаратты кыска мөөнөттө коопсуздук талаптарына ылайык келтирүү милдети жүктөлүп, талаптар аткарылбаса мыйзам чегинде чара көрүлөрү эскертилди.
