Кыргызстанда Кытай технологиясы менен акылдуу күнөсканалар курулат
Суу ресурстары, айыл чарба жана кайра иштетүү өнөр жайы министринин биринчи орун басары Жаныбек Керималиев "Бай Элим" компаниясы жана Кытай Эл Республикасынын Zhongnong Jinda (Hainan) International Trade Co., Ltd. компаниясынын өкүлдөрү менен жолугушуу өткөрдү.
Жолугушууда Кыргызстандын аймагында жогорку технологиялуу интеллектуалдык күнөсканаларды куруу жана иштетүү боюнча инвестициялык мүмкүнчүлүктөр талкууланды. Кытай тарап күнөскана чарбасында колдонулуп жаткан заманбап технологиялар тууралуу маалымат берип, сунушталып жаткан системалар топуракка көз каранды эместигин жана туруктуу, жогорку түшүм алууга шарт түзөрүн белгиледи.
Жаныбек Керималиев Кыргызстанда күнөскана чарбаларынын жетишсиз экенин айтып, бул багыт чоң потенциалга ээ экенин белгиледи. Анын айтымында, долбоорду ишке ашыруу айыл чарба өндүрүшүнүн көлөмүн көбөйтүп, фермерлерге колдоо көрсөтүүгө жана азык-түлүк коопсуздугун чыңдоого өбөлгө түзөт.
Жолугушуунун жыйынтыгында тараптар кызматташууну улантууга жана айыл чарба тармагындагы инвестициялык долбоорлорду биргелешип ишке ашырууга кызыкдар экендиктерин билдиришти.
