Кытайдан почта аркылуу келе жаткан балык уулоочу торлор табылды
«Түндүк» темир жол бажысынын «Темир жол Бекети» бажылык тариздөө аймагында Кытай Эл Республикасынан келген почта аркылуу жөнөтмөлөрдү текшерүү учурунда КРна ташып кирүүгө тыюу салынган, балык уулоочу торлорду табышкан. Контрабандага каршы күрөшүү башкы башкармалыгынын кызматкерлери жалпы салмагы 11,80 кг түзгөн синтетикалык торду аныкташты.
Бажы кызматынын басма сөз кызматынан билдиргендей, «Р.К.» ЖЧКсынын өкүлү бул категориядагы товарларды ташып кирүүгө КРда тыюу салынгандыгы тууралуу кабары болбогондугун түшүндүргөн.
Бул факт КРнын мыйзамдарын бузуу болуп саналат жана аныкталган факт боюнча материалдар белгиленген тартипте кошумча иликтөөгө алынат.
Эске салсак, мындай чаралар КРнын Президентинин «Ысык-Көлдүн экологиясын сактоо боюнча кечиктирилгис чаралар» жөнүндө №131 Жарлыгына, ошондой эле Мамлекеттик бажы кызматынын тиешелүү көрсөтмөсүнө ылайык жүргүзүлүүдө.
