Мэр Бишкектеги суу менен камсыздоо объекттерин текшерилди
Бишкек шаарынын мэри Айбек Джунушалиев орун басарлары менен биргеликте борбор калаадагы бир катар суу менен камсыздоо объекттерин кыдырды.
Муниципалитеттен билдиргендей, "Орто-Алыш" суу алуучу жайындагы иштер текшерилди. Бул жерде кошумча суу көлмөлөрүн тазалоо жүрүп, учурда 11 көлмөнүн 4өөсү тазаланды. Иштерге 8 экскаватор жана 5 самосвал тартылган. Аталган объект суткасына 8 600 кубометр суу берип, Бишкек калкынын болжол менен 40%ын камсыздайт.
Кыдыруунун жүрүшүндө мэр жайкы мезгилде шаардыктарды үзгүлтүксүз суу менен камсыз кылуу үчүн оңдоо иштерин мөөнөтүнөн эрте баштоону жана тиешелүү мекемелердин ишин так координациялоону тапшырды. Ошондой эле "Бишкексууканал" ишканасына суу ресурстарын үнөмдүү пайдалануу боюнча чараларды күчөтүү милдети жүктөлдү.
Андан соң "ХБО" суу алуучу жайы каралды. Реконструкциядан кийин бул жерде 5 скважина иштеп жатат. Анын ичинен 3 скважина оңдолуп, кубаттуулугу саатына 160 кубометрден болгон 2 жаңы скважина бургуланган. Ошондой эле экинчи көтөрүлүштөгү 4 насос агрегаты орнотулган.
Объект Көк-Жар конушунун жана бир катар көчөлөрдүн тургундарын ичүүчү суу менен камсыздайт. Иштер пландалган мөөнөттөн эрте — 2025-жылдын декабрь айында толук аяктаган.
