25 жылдан бери оор кылмыш менен издөөдө жүргөн жаран кармалды
Талас РИИБнын өкүлдөрү 25 жылдан бери оор кылмыш менен издөөдө жүргөн кылмышкерди колго түшүрүштү. Бул тууралуу Талас ИИБнын басма сөз кызматынан кабарлашты.
Билдирүүгө караганда, Талас районунун 1972-ж.т тургуну К.Кга карата 2000-жылдын 6-декабрында КРнын Кылмыш-жаза кодексинин 129-бер. 1-бөл. (1997-ж. ред.) (Зордуктоо) фактысы менен кылмыш иши козголгон. 2000-жылдын 11-декабрында Талас райондук прокуратурасы тарабынан айыпкер К.К. карата бөгөт коюу чарасы камак түрү тандалып алынып, ага карата издөө жарыяланып, кармалган жерден камакка алуу токтому кабыл алынган.
Кийин Кыргыз Республикасынын Кылмыш-жаза кодексине кирген өзгөртүүлөрдүн негизинде, аталаган кылмыш иши Кыргыз Республикасынын КЖКнин 129-бер., 1-бөлүмүнөн Кыргыз Республикасынын КЖКнин 154-бер., 2-бөл., 3-п., менен квалификациялган.
Айыпкер К.К 25 жылдан бери, издөөдө жүрүп, Талас РИИБдин кызматкерлеринин ыкчам издөө иш-аракеттеринин негизинде 2024-жылдын июнь айында Россия Федерациясынын Екатеринбург шаарынан кармалып, кылмышкерди экстрадициялоо иштери жүргүзүлгөн. 2026-жылдын 1-февраль күнү Кыргыз Республикасына алып келинип, Талас ШИИБдин убактылуу кармоочу жайына киргизилди. Учурда тергөө амалдары жүргүзүлүүдө.
