Кыргызстанда унаа сатуунун жаңы онлайн платформасы Tapcar.kg ишке киргизилди
Унаа сатуу жана сатып алуу үчүн бул жаңы платформа жарнаманы тез жарыялоону, ЖИ-жардамы менен аны түзүү жана ыңгайлуу издөөнү сунуштайт.
Кыргызстанда Tapcar.kg жаңы автоунаа маркетплейси иштей баштады - бул жасалма интеллект технологиясын колдонуу менен унааларды ылдам жана ыңгайлуу сатуу жана сатып алуунун санариптик платформасы.
Tapcar аталышы сервистин мазмунун чагылдырат. Ал кыргызча “tap”-“тап” деген сөздөн жана англисче “car” – “автоунаа” деген сөздөн келип чыккан. Башкача айтканда, “автоунаа табуу” дегенди билдирет. Платформа жеке сатуучуларга да, автодилерлерге да арналган. Ал иштей баштагандан бери эле бюджеттик моделдерден баштап премиум сегментине чейинки ар кандай категориядагы унаалар үчүн миңдеген жарнамалар жайгаштырылды.
“Tapcar.kg жөнөкөйлүккө, ылдамдыкка жана ачык-айкындуулукка басым жасоо менен түзүлгөн. Биздин максатыбыз - Кыргызстандагы онлайн автоунаа сатуу рыногун жеткиликтүү кылып, жарнамаларды жайгаштыруу процессин жөнөкөйлөштүрүп, жеке сатуучулар менен автоунаадилерлер үчүн кирүү тоскоолдуктарын азайтуу болуп саналат», - деп белгилешти долбоордун командасынан.
Автоунаа рыногуна кирүү үчүн татаал катталуу талап кылынбайт - ага кирүү форманы толтуруусуз эле, телефон номери аркылуу жүргүзүлөт. Жарнамаларды жайгаштыруу акысыз жана жайгаштыруу бир мүнөткө жакын убакытты талап калат.
Санариптик платформанын дагы бир негизги өзгөчөлүгү ЖИ- технологияларын колдонуу. Бул технологиялар автоунаалардын сүрөттөмөлөрүн, түзүлүшүнүн мүнөздөмөлөрүн автоматтык түрдө түзүүгө жана жакшыртууга, ошондой эле жарнамадагы каталарды жана так эместиктерди азайтууга жардам берет. Ыңгайлуу издөө жана фильтр сизге ылайыктуу сунуштарды тез табууга мүмкүндүк берет.
Платформа мобилдик жабдууларга толук ыңгайлаштырылган веб-версияда, ошондой эле iOS жана Android үчүн мобилдик колдонмо түрүндө жеткиликтүү.
