ЕАЭБ алкагында эмгек мигранттарына пенсиялар чектелүүдө
2021-жылдын 1-январынан тартып Евразия экономикалык биримдигине (ЕАЭБ) мүчө мамлекеттердин аймагында иштеп, пенсиялык укуктарга ээ болгон жарандар эмгек мигранттары катары эсептелет. ЕАЭБге Кыргызстан, Казакстан, Россия, Армения жана Беларусь кирет. Бул тууралуу Социалдык фонддон билдиришти.
Кыргызстанда аталган Макулдашуунун алкагында Социалдык фонд тарабынан 163 жаранга пенсия чектелген. Анын ичинен 146сы Россия Федерациясынын жарандары. Алардын 14ү Кыргыз Республикасынын мыйзамдарына ылайык пенсияга чыккан, ал эми 5 жарандын пенсиясы төлөмдөр узак убакыт жүргүзүлбөгөндүгүнө байланыштуу токтотулган.
Ошондой эле Казакстандын 14 жаранына пенсия чектелип, алардын 3өөнө өз арызынын негизинде төлөмдөр токтотулган. Беларустун 2 жараны пенсия менен камсыздалган, анын ичинен 1 жаран Кыргыз Республикасынын мыйзамдарына ылайык пенсия алууда.
Мындан тышкары, Россия Федерациясы Кыргыз Республикасынын 134 жаранына пенсиянын бир бөлүгүн чектеп берген.
