Бир ай ичинде 62 объектиге техникалык корутунду берилди
Курулуш, архитектура жана турак жай-коммуналдык чарба министрлигине караштуу Жер титирөөгө туруктуу курулуш жана инженердик долбоорлоо мамлекеттик институту тарабынан 2026-жылдын январь айында республика боюнча 62 курулуш объектисине техникалык корутундулар берилди. Бул тууралуу ведомстводон билдиришти.
Берилген корутундулар имараттардын жана курулуштардын жер титирөөгө туруктуулугун, долбоордук чечимдердин коопсуздук талаптарына жооп берерин жана техникалык стандарттарга шайкештигин аныктоодо негизги мааниге ээ.
Институт тарабынан жүргүзүлгөн текшерүүлөр ар кандай типтеги имараттарды, анын ичинде социалдык инфратүзүм объектилерин камтыды.
Белгилей кетсек, техникалык корутундулар инженер-адистер тарабынан жүргүзүлүп, учурдагы имараттарды реконструкциялоо мүмкүнчүлүгүнө техникалык баа берүүгө жана курулуш иштеринин коопсуздугун камсыздоого багытталган.
Мындай иштер курулуш тармагында коопсуздукту жогорулатууга жана жер титирөөгө туруктуу инфраструктураны өнүктүрүүгө багытталган мамлекеттик саясаттын маанилүү бөлүгү болуп саналат.
