Чүй облусундагы агродүкөндөргө мониторинг жүргүзүлдү
Үстүбүздөгү жылдын 5-февралында Чүй облусунда агродүкөндөрдө жана агрозоовет сатуу жайларында мониторингдик иш-чаралар өткөрүлдү. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Иш-чарага Өсүмдүктөрдү химиялаштыруу, коргоо жана карантин департаментинин, Айыл чарба өсүмдүктөрүн жана багбанчылыкты экспертизалоо департаментинин жана Ветеринардык жана фитосанитардык көзөмөлдөө кызматынын жетекчилери катышты.
Мониторингдин максаты — мыйзамсыз, контрабандалык жана контрафакттык продукциялардын жүгүртүлүшүнө бөгөт коюу жана көзөмөлдү күчөтүү.
Текшерүү учурунда минералдык жер семирткичтер, пестициддер, ветеринардык препараттар, көчөттөр жана уруктук материалдар каралып, уруксат берүүчү документтердин болушуна жана сактоо-сатуу талаптарынын аткарылышына көңүл бурулду.
Мындай мониторинг иш-чаралары республиканын бардык облус жана райондорунда системалуу түрдө улантылары айтылат маалыматта.
