Жыл башынан бери дыйкандарга 81,4 млн сомдук техника лизингге берилди
Суу ресурстары, айыл чарба жана кайра иштетүү өнөр жайы министрлиги айылдык товар өндүрүүчүлөрдүн машина-трактордук паркын жаңылоо жана заманбап айыл чарба техникалары менен камсыз кылуу багытында иштерди жүргүзүп келет.
Ведомствонун маалыматына ылайык, 2011-жылдан тартып министрликтин демилгеси жана Министрлер Кабинетинин колдоосу менен "Айыл Банк" жана "Элдик Банк" аркылуу 7 лизинг долбоору ишке ашырылган.
Долбоорлордун алкагында дыйкандарга айыл чарба техникалары жана кайра иштетүү өнөр жайы үчүн жабдуулар жылдык 6%дык үстөк менен 7 жылдык мөөнөткө лизингге берилүүдө.
Бүгүнкү күнгө чейин жалпы суммасы 27,7 млрд сомду түзгөн 9 725 даана айыл чарба техникасы дыйкандарга лизинг жолу аркылуу берилди. Анын ичинде 2026-жылы 81,4 млн сомго 42 даана техника өткөрүлүп берилген.
Министрлик айыл чарба тармагын техникалык жактан чыңдоо жана дыйкан-фермерлерди колдоо иштерин мындан ары да улантат, - деп айтылат маалыматта.
