Эми "i-Dyikan" платформасы менен фермерлер насыя үчүн онлайн кезекке тура алышат
Суу ресурстары, айыл чарба жана кайра иштетүү өнөр жайы министрлиги "Айыл Банк" жана "Элдик Банк" менен биргеликте фермерлерге жеңилдетилген насыяларды алуу үчүн электрондук кезек жакын арада ишке кирерин жарыялады.
Ведомствонун маалыматына ылайык, жаңы санариптик механизм Министрликтин техникалык оператору — "АгроСмарт" мамлекеттик мекемеситарабынан иштелип чыгып, "i-Dyikan" платформасынын негизинде жүзөгө ашырылды.
2026-жылдын 15-февралынан тартып фермерлер платформанын жардамы менен каттоодон өтүп, насыя алуу үчүн банкка электрондук кезекке тура алышат. Ар бир арыз жеңилдетилген каржылоо программаларынын критерийлерине ылайык каралат.
Санарип форматка өтүү фермерлерге арыздын жүрүшүн онлайн көзөмөлдөөгө жана Министрликтин кызматтарына электрондук жетүүгө мүмкүнчүлүк берет. Жаңы механизм фермерлердин финансылык ресурстарга жетүүсүн жеңилдетип, өлкөнүн айыл чарба тармагын санариптештирүүнүн маанилүү кадамыболуп саналат.
