Коом

Жаш адистерге жаңы мүмкүнчүлүк: стажировка жана айына 8 600 сом

Ишкер Media

11 февр. 2026 11:33

Эмгек, социалдык камсыздоо жана миграция министрлиги Дүйнөлүк банк менен биргеликте ишке ашырып жаткан "Жаштар стажировкасы" программасы иш берүүчүлөргө 16дан 35 жашка чейинки жаш адистерди тартууга мүмкүнчүлүк берет. Бул тууралуу ведомстводон билдиришти.

Программа эмгек рыногунда суроо-талап жогору болгон кесиптер боюнча кадрларды даярдоого багытталган. Катышуучулар кыска мөөнөттүү окуудан өтүп, андан соң жеке, мамлекеттик жана муниципалдык уюмдарга стажировкага жөнөтүлөт.

Иш берүүчүлөргө программанын артыкчылыктары: жаш адистерди уюмдун муктаждыгына ылайык даярдоо, кадрларды издөөгө кетчү чыгымдарды кыскартуу, базалык көндүмдөргө ээ, мотивациясы жогору жаштарга жеткиликтүүлүк жана стажерлерди расмий жумушка кабыл алууга чейин баалоо мүмкүнчүлүгү.

Стажерлерге айына 8 600 сом стипендия төлөнүп, окуу мезгилинде да каралган. Программа Кыргызстан боюнча 30 пилоттук шаарда жана райондо ишке ашырылууда. Катышууну каалаган иш берүүчүлөр жергиликтүү жумушка орношууга көмөктөшүү кызматтарына кайрыла алышат же арызды онлайн тапшыра алышат.

Долбоор жаштардын кесиптик көндүмдөрүн өнүктүрүүгө, жумуш менен камсыздоону колдоого жана жергиликтүү эмгек рыногун чыңдоого багытталган.

Мындан тышкары окуңуз

Жылдыз Асанакунова: Кыргызстанга австралиялык туристтер көп келүүдө

2020-2021-жылдарга чейин өлкөгө жылына 2-3 миллион гана турист келсе, бүгүнкү күндө бул көрсөткүч 13 миллионго жеткенин мамлекет башчысы Садыр Жапаров билдирген. Бүгүнкү күндө өлкө боюнча туризмдин абалы кандай? Анын мамлекеттин экономикасына кошкон салымы канчалык? Ушул өңдүү суроолорго жооп алуу үчүн "Ишкер медиа" сайты туризм боюнча

Бишкектеги Краснодар көчөсү оңдоп-түзөөдөн өткөрүлдү

13-августта Бишкек шаарынын Ленин районунда Краснодар көчөсүнүн капиталдык оңдоп-түзөөдөн кийинки ачылыш болду. Жаңыланган тилке Б. Алыкулов көчөсүнөн Тирасполь көчөсүнө чейинки аралыкты камтыйт. Бул тууралуу Бишкек шаардык мэриясынан билдиришти. Маалыматка ылайык, оңдоп-түзөөдөн өткөн жол тилкесинин узундугу 510 метрди түзөт. Капиталдык оңдоо иштерин “Су-4 Кара-Балта” ЖЧКсы подряддык

Ош шаарындагы Б.Осмонов көчөсү 15 күнгө жабылды

Ош шаарында 15-августтан 30-августка чейин Б. Осмонов көчөсүнүн Мукумий көчөсүнөн Достук айлампасына чейинки бөлүгү убактылуу жабылат. Ош шаардык мэриясы, Б. Осмонов көчөсүнөн Мукумий, А.Атаканов көчөлөрү аркылуу альтернативдүү жол аркылуу убактылуу каттоону өтүнөт. Ошондой эле Төлөнов көчөсүн оңдоп-түзөөгө байланыштуу Саргалчаев, Абжалов көчөлөрү 15-августтан тарта убактылуу жабылды.

Нарын – Баетов жолуна асфальт төшөлүүдө

Нарын облусунун Ак-Талаа районундагы Нарын –Баетов унаа жолунун 84 – 115-чакырым аралыгында курулуш иштери активдүү улантылууда. “Кыргызавтожол-Түндүк” ишканасынын маалыматына ылайык, жалпы узундугу 31 чакырымды түзгөн аталган тилкенин бүгүнкү күндө 25 чакырымына асфальттын экинчи катмары төшөлүп бүттү. Курулуш иштерин №1 Жол куруу башкармалыгы жүргүзүүдө. Учурда жолдун калган бөлүгүндө асфальт