Кыргызстанда ветеринардык көзөмөлдүн санариптик платформасы иштелип чыгууда
Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматы сибирь жарасынын очокторун эсепке алуу жана мониторинг жүргүзүү үчүн "ОЭМС" ГМС системасын түзүү долбоорунун ишке ашырылышын баштады.
Айыл чарба министрлигинин маалыматына ылайык, Система өлкө аймагындагы ветеринардык-санитардык абалды визуалдаштыруу, мониторинг жүргүзүү жана аналитикалык иштетүү мүмкүнчүлүгүн берет. Анын алкагында:
- сибирь жарасынын очоктору, биологиялык калдыктарды утилизациялоо объекттери жана ветеринардык инфраструктураны интерактивдүү картага киргизүү;
- ветеринардык иш-чараларды эсепке алуу;
- аналитика жана борборлоштурулган маалымат базасы;
- жаңы очоктор катталганда жооптуу кызматтарды автоматтык кабарлоо;
- мамлекеттик маалыматтык системалар менен интеграциялоо каралган.
"ОЭМС" ГМС системасы ветеринардык процесстердин ачыктыгын камсыз кылып, алдын алуу чараларынын натыйжалуулугун жогорулатууга жана өлкөнүн биологиялык коопсуздугун бекемдөөгөмүмкүнчүлүк берет.
Бул долбоор ветеринария тармагында санариптик башкаруунун маанилүү кадамы болуп, Кыргыз Республикасында эпизоотиялык кырдаалды заманбап деңгээлде көзөмөлдөөнү камсыз кылат.
