Коом

Оштогу суу коргоо зонасындагы мыйзамсыз курулуштар буздурулууда

Ишкер Media

05 мар. 2026 19:10

Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаментинин Ош региондук башкармалыгы тарабынан Ноокат районунун Кулатов айыл аймагындагы Абыш-Сай тилкесинде жайгашкан курулуш объектилерине текшерүү жүргүзүлдү. Бул тууралуу Курулуш министрлигинен билдиришти.

Текшерүүнүн жүрүшүндө К.А.К. аттуу жаранга тиешелүү 78 гектар жер аянтында курулган кичи жана капиталдык объектилер Абшыр-Сай дарыясынын суу коргоо зонасына мыйзамсыз жайгаштырылганы аныкталды.

Белгилей кетсек, суунун жээги табигый экосистеманын маанилүү бөлүгү болуп саналат. Ушуга байланыштуу мындай аймактарда курулуш иштерине мыйзам чегинде катуу чектөөлөр каралган.

Аталган мыйзам бузууларга байланыштуу учурда демонтаждоо иштери башталып, ал этап-этабы менен жүргүзүлүүдө. Процесс Ош региондук башкармалыгынын көзөмөлү алдында тиешелүү ченемдик-укуктук талаптарга ылайык аткарылып жатат.

Курулуш, архитектура жана турак жай-коммуналдык чарба министрлиги суу коргоо зоналарын сактоо экологиялык коопсуздукту камсыздоонун жана коомдук кызыкчылыктарды коргоонун маанилүү багыты экенин белгилейт. Бул багыттагы иштер мындан ары да жергиликтүү мамлекеттик органдар менен тыгыз кызматташтыкта системалуу түрдө улантылмакчы.

Мындан тышкары окуңуз

Кыргыз-ооган ишкерлеринин түз кызматташуусуна шарт түзүү макулдашылды

Экономика жана коммерция министринин орун басары Медербек Туманов Ооганстандын Соода-инвестициялык палатасынын төрагасы Саид Мохаммад Карим Хашими менен эки тараптуу жолугушуу өткөрдү. Бул тууралуу министрликтин басма сөз кызматы билдирди. Маалыматка ылайык, жолугушуу Бишкекте өткөн Кыргызстан - Афганистан эл аралык экономикалык кызматташтык форумунун алкагында өттү. Иш-чарада эки өлкөнүн соода-экономикалык кызматташтыгын

Ошто тез жардам борборунун жаңы имараты курула баштады

Курулуш, архитектура жана турак жай-коммуналдык чарба министри Нурдан Орунтаев жана Ош шаарынын мэри Жанар Акаев 94 жыл мурда курулган тез жардам борборунун имаратындагы курулуш иштеринин жүрүшү менен таанышты. Курулуш министрлиги билдиргендей, жаңы тез жардам борбору бардык заманбап талаптарга жооп берген эки кабаттуу имарат болот. Анда медициналык кызматкерлер үчүн ыңгайлуу

Ишкерлерди колдоого багытталган жаңы кадамдар талкууланды

Экономика жана коммерция министрлигинде министрдин орун басары Беназир Нурланова Жапониянын эл аралык кызматташтык агенттигинин (JICA) өкүлдөрү менен жолугушту. Бул тууралуу министрликтин басма сөз кызматы билдирди. Маалыматка ылайык, жолугушуунун жүрүшүндө чакан жана орто ишкерликти өнүктүрүү, бизнеске мамлекеттик колдоо көрсөтүү жана эки тараптуу кызматташтыкты кеңейтүү маселелери каралды. Тараптар чакан жана орто ишкерликти

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.