Токтогул районунда 991 433 сом алимент өндүрүлдү
Токтогул райондук сот аткаруучулар кызматы жашы жете элек балага төлөнбөй келе жаткан 991 433 сом алименттик карыз өндүрүлгөнүн билдирди.
Сот М.Э.А. аттуу жаранды кирешесинин ½ бөлүгүн жашы жете элек баласын багуу үчүн жубайына алимент төлөөгө милдеттендирген. Өз учурунда төлөнбөгөн 991 433 сом өлчөмүндөгү алименттик карыз мажбурлоо чараларынын натыйжасында толугу менен өндүрүлүп, баланын энесине өткөрүлүп берилди.
Башкы прокуратура былтыр өлкөдө 1200 жаран алимент төлөбөй жүргөнүн билдирген. Сот департаментинин маалыматына ылайык, учурда алимент карызы боюнча 59 миңден ашык иш ачык турат. Расмий маалыматка караганда, өлкөдө ажырашкандардын 2% гана балдарына алимент төлөйт.
