Коом

Бишкекте алдамчылык жол менен 22 млн сомдон ашык акча өндүргөн шектүүлөр кармалды

Ишкер Media

06 мар. 2026 11:57

Бишкек шаарынын Свердлов районунун ички иштер башкармалыгына 1948-жылы туулган жаран Ч.Г. арыз менен кайрылып, белгисиз адамдарга карата чара көрүүнү суранган. Шектүүлөр өздөрүн УКМКнын, ИИМдин жана Улуттук банктын кызматкерлери катары тааныштырып, алдоо жолу менен ишенимге киришкен.

Бишкек шаарынын ИИББнын басма сөз кызматынан маалымдагандай, алдоо жолу менен кылмышкерлер жабырлануучуну банкомат аркылуу банктык картага 22 130 000 сом которууга көндүрүшкөн. Бул факт боюнча КРнын Кылмыш-жаза кодексинин 209-беренеси (алдамчылык) боюнча кылмыш иши козголгон.

Ыкчам издөө жана техникалык иш-чаралардын жүрүшүндө Бишкек шаарынын ИИББнын Кылмыш иликтөө башкармалыгынын кызматкерлери шектүүлөрдүн ким экенин жана кайда жүргөнүн аныкташкан. Аныкталгандай, А.К., 2005-жылы туулган, “дроппер” деп аталган ролду аткарган — ал өз атына катталган банк картасын сатып жиберген. Кийинчерээк ошол карта уурдалган акчаларды которуу үчүн колдонулган. Шектүү Бишкек шаарынын ИИББнын Тергөө кызматына жеткирилген жана КР ЖПКнын 96 жана 97-беренелеринин негизинде Бишкек шаарынын ИИББнын убактылуу кармоочу жайына киргизилген.

Ошондой эле Э.К., 2006-жылы туулган жаран аныкталган. Ал “дроповод” ролун аткарып, «Telegram» мессенджериндеги каналдар аркылуу башка адамдардын банк карталарын сатып алуу менен алектенген. Ал дагы Бишкек шаарынын ИИББнын Тергөө кызматына жеткирилип, КР ЖПКнын 96 жана 97-беренелеринин негизинде УКЖга камака алынды.

Учурда милиция кызматкерлери бул кылмышка тиешеси бар башка адамдарды аныктоо, ошондой эле окуянын бардык жагдайларын тактоо үчүн кошумча маалымат жана далилдерди чогултуу боюнча иштерди жүргүзүүдө.

💡

ИИМ эскертет: Укук коргоо органдарынын, банктардын жана мамлекеттик мекемелердин кызматкерлери эч качан акча каражатын башка банк картасына же эсепке которууну талап кылышпайт, ошондой эле банктык жашыруун маалыматтарды сурашпайт. Эгер мындай чалуулар же билдирүүлөр келип түшсө, дароо сүйлөшүүнү токтотуп, жакынкы милиция бөлүмүнө кайрылыңыз же 102 номерине кабарлаңыз.

Мындан тышкары окуңуз

Жылдыз Асанакунова: Кыргызстанга австралиялык туристтер көп келүүдө

2020-2021-жылдарга чейин өлкөгө жылына 2-3 миллион гана турист келсе, бүгүнкү күндө бул көрсөткүч 13 миллионго жеткенин мамлекет башчысы Садыр Жапаров билдирген. Бүгүнкү күндө өлкө боюнча туризмдин абалы кандай? Анын мамлекеттин экономикасына кошкон салымы канчалык? Ушул өңдүү суроолорго жооп алуу үчүн "Ишкер медиа" сайты туризм боюнча

Бишкектеги Краснодар көчөсү оңдоп-түзөөдөн өткөрүлдү

13-августта Бишкек шаарынын Ленин районунда Краснодар көчөсүнүн капиталдык оңдоп-түзөөдөн кийинки ачылыш болду. Жаңыланган тилке Б. Алыкулов көчөсүнөн Тирасполь көчөсүнө чейинки аралыкты камтыйт. Бул тууралуу Бишкек шаардык мэриясынан билдиришти. Маалыматка ылайык, оңдоп-түзөөдөн өткөн жол тилкесинин узундугу 510 метрди түзөт. Капиталдык оңдоо иштерин “Су-4 Кара-Балта” ЖЧКсы подряддык

Ош шаарындагы Б.Осмонов көчөсү 15 күнгө жабылды

Ош шаарында 15-августтан 30-августка чейин Б. Осмонов көчөсүнүн Мукумий көчөсүнөн Достук айлампасына чейинки бөлүгү убактылуу жабылат. Ош шаардык мэриясы, Б. Осмонов көчөсүнөн Мукумий, А.Атаканов көчөлөрү аркылуу альтернативдүү жол аркылуу убактылуу каттоону өтүнөт. Ошондой эле Төлөнов көчөсүн оңдоп-түзөөгө байланыштуу Саргалчаев, Абжалов көчөлөрү 15-августтан тарта убактылуу жабылды.

Нарын – Баетов жолуна асфальт төшөлүүдө

Нарын облусунун Ак-Талаа районундагы Нарын –Баетов унаа жолунун 84 – 115-чакырым аралыгында курулуш иштери активдүү улантылууда. “Кыргызавтожол-Түндүк” ишканасынын маалыматына ылайык, жалпы узундугу 31 чакырымды түзгөн аталган тилкенин бүгүнкү күндө 25 чакырымына асфальттын экинчи катмары төшөлүп бүттү. Курулуш иштерин №1 Жол куруу башкармалыгы жүргүзүүдө. Учурда жолдун калган бөлүгүндө асфальт