Такси кызматына чет элдик айдоочуларды ишке алууда, алардын тил билүүсү талап кылынууда
Депутат Медина Кайрылбекова Жогорку Кеңештин отурумунда такси кызматтарына чет элдик айдоочуларды ишке алуу үчүн милдеттүү түрдө орус же кыргыз тилин билүү талабын киргизүүнү сунуштады.
Эл өкүлүнун айтымында, бул маселе Пакистан же Индиядан келген айдоочуларга тиешелүү. Себеби, тилдик тоскоолдуктан улам жергиликтүү тургундар айдоочулар менен баарлаша албай, кыйынчылыктарга дуушар болуп, көп учурда каттамдар үзгүлтүккө учурап жана башка көптөгөн убаракерчиликти жаратууда.
Ушуга байланыштуу депутат Медина Кайрылбекова айдоочуларга лицензия берүүдөн мурда, алардын тил билишин текшерип, андан кийин гана тиешелүү иш кагаздарын берүүнү талап кылды.
