Коом

Илимий мекемелерге финансылык көзкарандысыздык берилди

Ишкер Media

07 апр. 2026 15:51

2026-жылдын 6-апрелинде КРнын Президентинин №135 Жарлыгы кабыл алынып, илимий ишти реформалоо жана анын натыйжалуулугун жогорулатууга багытталган маанилүү чечимдер бекитилди.

Улуттук Илимдер Академиясы тараткан маалыматка ылайык, жарлыктын натыйжасында, ата мекендик илимдин атаандаштыкка жөндөмдүүлүгү арттырылып, илим, билим берүү жана өндүрүш тармактарынын байланышы чыңдалат. Ошондой эле илимий башкарууну оптималдаштыруу максатында бир катар мекемелерге финансылык автономия берилет.

Алардын катарына Президентке караштуу Улуттук илимдер академиясы, анын карамагындагы илимий институттар, ошондой эле Министрлер Кабинетине, тармактык мамлекеттик органдарга жана жогорку окуу жайларга караштуу илимий жана илимий-техникалык уюмдар кирет.

Бул өзгөртүүгө ылайык, эми илимий мекемелер өздөрү тапкан каражаттарды өз алдынча пайдалануу мүмкүнчүлүгүнө ээ болушат. Бул кадам илимий изилдөөлөрдүн натыйжалуулугун жогорулатууга жана инновациялык долбоорлорду өнүктүрүүгө шарт түзөрү күтүлүүдө.

Бул боюнча бүгүн Улуттук илимдер академиясында жыйналыш болуп, президент Канатбек Абдрахматов өзүнүн эмгек жамаатына жана илимий институттардын директорлоруна жакшы жаңылык менен бөлүштү.

Мындан тышкары окуңуз

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”