Коом

Кыргызстанда соттолгондорго көзөмөл жүргүзүүчү санариптик система киргизилет

Мелис Совет уулу

17 апр. 2026 15:30

Юстиция министрлиги соттолгондорду көзөмөлдөө үчүн (пробация системасынын алкагында) комплекстүү мониторинг системасын сынактан өткөрүүдө. Бул система заманбап санариптик каражаттарды бириктирген программалык камсыздоого негизделген бирдиктүү экосистема болуп саналат.

Программалык камсыздоо Юстиция министрлигинин ички серверлеринде иштейт, бул маалыматтардын коопсуздугун камсыздап, үчүнчү тараптардын кирүүсүн жокко чыгарат. Өз алдынча иштелип чыккан система колдонуу менен иштин ылдамдыгы жана тактыгы да жогорулайт.

Бул чечимди киргизүү мамлекеттик бюджеттин чыгымдарын олуттуу кыскартат. Электрондук билериктердин баасы импорттук аналогдорго салыштырмалуу кыйла төмөн, ал эми чет өлкөлүк программалык камсыздоону лицензиялоонун жоктугу эксплуатациялык чыгымдарды азайтат.

Мобилдик тиркеме менен электрондук билериктердин бирдиктүү система катары интеграцияланышы көзөмөл кызматкерлерине реалдуу убакыт режиминде бир интерфейс аркылуу көзөмөлдө турган адамдар тууралуу толук маалымат алууга мүмкүндүк берет, бир нече программаны колдонуу зарылдыгы жок болот.

Кошумча катары, система көзөмөлдөн качуу аракеттерине каршы коргоо механизмдери менен жабдылган. Face ID технологиясы "тирүү адамды" аныктоочу (anti-spoofing) коргоону камтыйт жана колдонуучунун реалдуу катышуусун тастыктоону талап кылат. Электрондук билериктер уруксатсыз чечүү же белгиленген чектен чыгуу аракеттерин каттап, кызматкерлерге эскертүү жөнөтөт.

Учурда системанын программалык бөлүгү, анын ичинде жүздү таануу алгоритмдери толугу менен даяр. Электрондук билериктер платформа менен ийгиликтүү интеграцияланган. Азыр алардын өнөр жайлык дизайнын өркүндөтүү жана колдонууга ыңгайлуулугун жогорулатуу иштери жүрүп жатат.

Мындан тышкары окуңуз

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”