2026-жылы 4 млрд сомго 1427 техника лизинг аркылуу берилди
Республиканын айыл чарба товар өндүрүүчүлөрүнө мамлекеттик колдоо көрсөтүлүп келет. Бул тууралуу айыл арба мнистрлигинин басма сөз кызматы билдирди.
Маалыматка караганда, өндүрүштүн негизги каражаттарын техникалык жабдуу, өлкөнүн машина-трактор паркын кайра калыбына келтирүү жана модернизациялоо, техникалык кызмат көрсөтүүчү кызматтардын инфраструктурасын кеңейтүү, ошондой эле айыл чарба техникасын лизинг жолу менен өнүктүрүү үчүн 2011-жылдан тартып “Гослизинг-1–6” кредиттик линиялары жана ЕАБР долбоору ишке ашырылып келет.
Бардык көрсөтүлгөн долбоорлор ушул долбоорлордун аткаруучу операторлору болуп эсептелген “А Банк” ААКсы жана “Элдик Банк” ААКсы аркылуу ишке ашырылууда.
2011-2026-жылдар аралыгында бардыгы болуп 32,4 миллиард сомго 11 710 даана айыл чарба техника лизинг долбоорлору аркылуу берилсе, анын ичинен 2026-жылы 4,0 миллиард сомго 1427 даана техника берилди. Техниканын түрлөрү боюнча 2026-жылдын ичинде 182 трактор, 3 комбайн, 114 кайра иштетүү өнөр жайы үчүн жабдуулар, 39 айыл чарба машиналары, 571 спецтехника, 518 транспорт каражаттары берилген.
