Ак-Талаа районунда 147 млн сомго сейил бак курулууда
Баетов айылындагы "Адилет" сейил багы толук реконструкциядан өтүүдө. Бул үчүн 147 миллион сом каралып, зарыл болгон шарттар түзүлөт. Бул тууралуу Ак-Талаа райондук админстрациясынан маалымдашты.
Маалыматка ылайык, долбоордун жалпы аянты 9 гектарды түзүп, спорттук жана эс алуу аймагын камтыйт. Жаңы парктын ичине чоң спорт залдар, машыгуу бөлмөлөрү, ачык жана жабык спорт аянтчалары салынып, заманбап жабдуулар менен камсыздалып, бардык эс алуучулардын спорт менен машыгуусуна мүмкүнчүлүк түзүлөт. Мындан тышкары, паркта стадион, чуркоо жолдору, балдар ойноочу аянтчалар жана жашыл эс алуу зоналары уюштурулат.
Сейил бакка көчөттөрү отургузулуп, жашылдандыруу иштери башталды. Отургузулган көчөттөр тамчылатып сугаруу ыкмасы аркылуу сугарылат.
Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!
