Жөлөк пул алуунун шарттары айтылды

Эмгек, социалдык камсыздоо жана миграция министрлиги кош бойлуулук жана төрөт боюнча жөлөк пул алуучулардын шаарттары тууралуу маалымат таратты.

Маалыматка ылайык, жөлөк пул берүү берүү тартиби № 434 Кыргыз Республикасынын Өкмөтүнүн токтому менен бекитилген жобо менен жөнгө салынат.

Аталган документтин нормаларына ылайык, бул төлөмдү алууга төмөнкү жарандар укуктуу:

1. Иштеген жарандар: Иш берүүчүлөр менен эмгек мамилесинде турган адамдар.

2. Жеке ишкерлер: Ишкердик иш жүргүзүп, камсыздандыруу төгүмдөрүн төлөп жаткан адамдар.

3. Дыйкан (фермер) чарбаларынын мүчөлөрү.

4. Расмий жумушсуздар: Белгиленген тартипте иш менен камсыз кылуу кызматтарында расмий жумушсуз деп таанылган жана жумушсуздук боюнча жөлөкпул алууга укугу бар аялдар.

Расмий жумушсуздар үчүн милдеттүү шарт болуп жалпы камсыздандыруу стажынын кеминде 12 ай болушу саналат.