140 орундуу бала бакча оңдоп-түзөөдөн өттү
Бишкек шаарында №132 бала бакча капиталдык оңдоп-түзөөдөн өттү. Бала бакчанынын ачылыш аземине шаардын мэри Айбек Жунушалиев катышты. Бул тууралуу мэриянын басма сөз кызматынан билдирди.
Маалыматка таянсак, салтанатка Бишкек шаардык кеңешинин төрагасынын орун басары Жылдызбек Абдраимов, мэрдин орун басарлары, шаардык кызматтардын жетекчилери жана жергиликтүү тургундар катышышты.
Объект 140 орунга ылайыкталган жана 6 топтон турат. Ошол эле учурда оптималдаштыруу аркылуу 280 орунга чейин көбөйтүлдү. Имарат эки кабаттуу, жалпы аянты 1100 м² түзөт. Ал эми ага тиешелүү жер тилкесинин аянты 0,9 гектарды түзөт.
Белгилей кетсек, бул имарат 1971-жылы курулуп, башталгыч мектеп катары пайдаланылып келген.
