Ак-Суу районунда жазгы талаа иштери башталды
Ысык-Көл облусунун Ак-Суу районунда жазгы талаа иштери башталды. Аталган райондо жалпысынан 45977 гектар айдоо жери болсо, учурда 24483,5 гектары айдалды. Бул тууралуу Суу ресурстары, айыл чарба министрлигинин басма сөз кызматы билдирди.
Аталган жалпы айдоо аянтынын ичинен 618 гектарын сарымсак, 1558 гектары күздүк айдоо болсо, 6351 гектар жаздык буудай, 12509 гектары арпа, 9407 гектары көп жылдык чөп, 3176,5 гектары картошка, 61 гектарга сафлор айдалса, буурчак 10 гектарды ээлейт, ал эми силостук жүгөрү 200 гектар аянтты ээлейт.
Эске салсак, учурда райондо үрөнгө жана күйүүчү майга болгон тартыштык жок.
Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!
