Гүл, көчөт саткан жайлардын фитосанитардык абалы текшерилди
28-апрелде Ветеринардык жана фитосанитардык көзөмөл кызматынын фитосанитардык көзөмөлдөө башкармалыгы тарабынан Бишкек шаарындагы өсүмдүк тектүү продукцияларды сактоочу жана сатуучу жайларда мониторинг жана түшүндүрүү иштери жүргүзүлдү. Бул тууралуу аталган кызматтан билдиришти.
Маалыматка караганда, текшерүү учурунда гүлдөрдү, декоративдик өсүмдүктөрдү жана көчөттөрдү саткан айрым соода түйүндөрүндө фитосанитардык коштоочу документтердин жана сертификаттардын толук эместиги аныкталды. Ошондой эле жер семирткичтерди сактоо жана сатуу боюнча талаптардын сакталбаганы белгиленди.
Тескөөчүлөр карантиндик сертификаттарды алып жүрүү боюнча түшүндүрмө беришти. Мындан ары да мониторинг жана көзөмөл иштери улантылып, тиешелүү кошумча текшерүүлөр жүргүзүлөт.
