Ош шаарындагы Ж.Бөкөнбаев мектебине 750 орундуу кошумча корпус курулууда
Ош шаарындагы №5 Ж. Бөкөнбаев атындагы мектепте 2000ден ашык окуучу билим алууда. Балдардын саны көп болгондуктан, орун тартыштыгы жаралып келет. Буга байланыштуу 750 орундуу кошумча корпус курулууда. Бул тууралуу Курулуш министрлигинин басма сөз кызматынан билдирди.
Маалыматка ылайык, Президент Садыр Жапаровдун тапшырмасы менен жалпы аянты 8943 чарчы метрди түзгөн жаңы корпус курулууда. Азыркы учурда пайдубалын куюу иштери аяктап калды.
Жаңы корпуста заманбап окуу класстары, лабораториялар, китепкана, ашкана, жыйындар залы, компьютердик класстар жана бардык шарттары каралган спорттук зал болот.
Курулуп жаткан кошумча корпус пайдаланууга берилсе, эки нөөмөт менен 1500ден ашык окуучуга билим алууга мүмкүнчүлүк түзүлөт.
