Таластагы мектепке 150 орундуу кошумча корпус курулду
Талас районунун Ак-Жар айылындагы А.Султанбеков атындагы мектепке 150 орундуу жаңы кошумча корпус курулду. Бул туууралуу Курулуш министрлигинин басма сөз кызматы билдирди.
Маалыматка ылайык, курулуш-монтаждоо иштери турак жай-жарандык курулуш департаменти тарабынан көзөмөлдөнүп, республикалык бюджеттен каржыланды. Объекттин жалпы наркы 57 миллион сомду түзөт.
Долбоорго ылайык, имараттын жалпы аянты 1282 чарчы метрди түзүп, эки кабаттан турат. Анда заманбап окуу класстары, химия жана биология сабактары үчүн лабораториялар, китепкана, ашкана, эмгек класстары жана жыйындар залы каралган.Учурда эмеректерди жайгаштыруу иштери жүргүзүлүүдө. Долбоорду ишке ашыруу аймактагы инфраструктураны жакшыртууга багытталган.
