Тоң районунда 98 млн сомго мектеп курулду
Курулуш министрлиги тарабынан Тоң районунун Ала-Баш айылында 550 окуучуга ылайыкталган заманбап мектеп курулду. Учурда мектептин айланасына асфальт төшөө иштери жүрүп жатат. Бул тууралуу Курулуш министрлигинин басма сөз кызматы билдирди.
Маалыматка караганда, долбоорго ылайык, имараттын жалпы аянты 1996 чарчы метрди түзөт. Мектепте заманбап окуу класстары, дарыгердин бөлмөсү, китепкана, ашкана, лаборатория, балдар жана кыздар үчүн өзүнчө эмгек класстары, жыйындар залы жана бардык шарттары менен спорт зал каралган.
Курулуш иштери мамлекеттик бюджеттен каржыланып, жалпы наркы 98 миллион сомду түздү.
Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!
