Нарында үй-бүлөлүк велотур өтүүдө
Бүгүн, 5- майда республикалык алкактагы "Эки Нарын 2026" үй- бүлөлүк велотуру Нарын районунда өтүүдө. Ага өлкө боюнча жалпы 200 үй-бүлө катышат. Арасында чет өлкөлүк үй-бүлөлөр бар.
Нарында биринчи жолу өтүп жаткан спорттук мелдеште катышуучулар 20 чакырым аралыкты велосипед менен басып өтүшөт. Велотурга Салкын-Төр аймагында расмий ачылып, саат 10.00до старт берилет.
Иш-чаранын максаты - активдүү эс алууну жайылтуу, ички туризмди өнүктүрүү жана аймактын туристтик жагымдуулугун арттыруу болуп саналат. Ошондой эле программанын алкагында жөө сейилдөө, этномаданий фестивалдарга катышуу менен жергиликтүү чыгармачыл жамааттардын оюн-зоок программаларына күбө болушат.
