Бишкектеги соода борборунан мыйзамсыз продукциялар табылды
Мамлекеттик салык кызматынын кызматкерлери Бишкек шаарында жүргүзүлгөн рейддик салык контролунун жүрүшүндө соода жайлардын биринен чет өлкөдөн келген акциздик продукцияларды мыйзамсыз жүгүртүү фактысын аныкташты. Бул тууралуу аталган кызматтын басма сөз кызматы билдирди.
Маалыматка таянсак, имаратты текшерүүнүн жүрүшүндө Кытай Эл Республикасында өндүрүлгөн акциздик маркасы жок төмөнкү акциздик продукциялар табылды: 30 шише алкоголдук продукция, 242 шише кант камтыган суусундуктар, 149 куту тамеки жана 36 шише этил спирти. Алдын ала эсептөөлөр боюнча, аныкталган акциздик маркасы жок продукциянын жалпы баасы 300 миң сомдон ашат.
Бул факты боюнча тиешелүү актылар түзүлдү. Учурда материалдар укуктук баа берүү үчүн укук коргоо органдарына өткөрүүгө даярдалууда.
Салык кызматы акциздик продукцияны акциздик маркасы жок жүгүртүү салык мыйзамдарын одоно бузуу болуп эсептелерин жана Кыргыз Республикасынын мыйзамдарында каралган жоопкерчилик чараларына алып келерин эскертет.
