Кадамжайда азык-түлүк жарманкеси өттү
Суу ресурстары, айыл чарба жана кайра иштетүү өнөр жайы министрлигинин Кадамжай райондук агрардык өнүктүрүү башкармалыгы тарабынан азык-түлүк жарманкеси уюштурулду. Бул тууралуу аталган министрликтин басма сөз кызматы билдирди.
Маалыматка ылайык, жарманке Кадамжай районунун аймагында азык-түлүк коопсуздугун камсыздоо жана калкка базар баасынан арзандатылган баада продукция сатып алуу мүмкүнчүлүгүн түзүү максатында өткөрүлдү.
Жарманкеде төмөнкү азык-түлүктөр арзандатылган баада сатылды:
Уй эти — 650 сом
Кой эти — 650 сом
Картошка — 1 кг 50 сом
Сабиз — 1 кг 30 сом
Пияз — 1 кг 15 сом
Иш-чарага район тургундары активдүү катышып, сапаттуу азык-түлүктөрдү жеткиликтүү баада сатып алуу мүмкүнчүлүгүнө ээ болушту.
