Жер семирткичтердин бааларынын кымбатташына байланыштуу рейд өткөрүлдү
Суу ресурстары, айыл чарба жана кайра иштетүү өнөр жай министрлигинин тиешелүү кызматтары жер-жерлерде рейддерди өткөрүп, минералдык жер семирткичттердин бааларынын негизсиз кымбаттап кетишин алдын-алуу боюнча иш-чараларды жүргүзүүдө. Бул тууралуу атлган министрликтин басма сөз кызматы билдирди.
Маалыматка ылайык, дүйнөдө геосаясий абалга байланыштуу жер семирткичттерди жеткирүүдө маселе болгондуктан, быйыл март айынан баштап ички рынокто минералдык жер семирткичтердин бааларында өзгөрүүлөр болгон.
Министрлик жер семирткичтердин запасын жетиштүү көлөмдө кармоо, ташып жеткирүү иштерин жөнгө салуу жана таңкыстыктын алдын алуу аркылуу баалардын кескин жогорулап кетишин ооздуктоо саясатын алып барууда.
