Мүмкүнчүлүгү чектелген адамдарга карата жеңилдетилген токтом чыкты
Министрлер кабинети медициналык-социалдык экспертиза өткөрүү тартибин жаңыртып, жарандарды “майыптыгы бар” деп таанууда жаңы ыкмаларды киргизди.
Маалыматка караганда, жаңы эрежеге ылайык, айрым бейтаптар эми экспертизадан алыстан - онлайн форматта өтө алышат.
Бул өзгөчө оор өнөкөт, тубаса оорулары бар жана кыймылы чектелген жарандар үчүн жеңилдик болот.
Мындан тышкары, текшерүүдөн өтүү мөөнөтү кыскартылып, жаран катталгандан кийин 5 иш күнүнүн ичинде экспертиза жүргүзүлөт. Документтер да санарип форматта даярдалып, электрондук система аркылуу берилет.
Даун синдрому бар балдар түздөн-түз адистешкен комиссияга жөнөтүлөт. Ошондой эле жарандардын реабилитациялык мүмкүнчүлүгү бааланып, ошого жараша майыптык тобу жана мөөнөтү аныкталат.
Токтом 15 күндөн кийин күчүнө кирет.
