Нарын облусунда 48 кичи футбол аянтчасы курулууда
Нарын облусунда Президенттик фонд тарабынан каржыланып жаткан кичи футбол аянтчаларынын курулушу активдүү жүрүүдө. Бул тууралуу облустун өкүлчүлүгүнөн билдиришти.
Маалыматка караганда, ыйгарым укуктуу өкүлдүн орун басары Жылдыз Мамбетова Президенттик фонд тарабынан каржыланып салынып жаткан кичи футбол аянтчаларынын курулуш иштеринин жүрүшү менен жеринде таанышты.
Белгилей кетсек, учурда Президенттик фонддун эсебинен Нарын облусунда 48 кичи футбол аянтчасы курулуп жатат.
Ошодой эле Нарын шаарындагы “Ала-Тоо” стадиону оңдоп-түзөөдөн өтүүдө.
