Оор шартта иштеген жумушчуларды пенсияга эрте чыгаруу сунушталууда
Министрлер кабинети зыяндуу жана оор шартта иштеген кызматкерлер үчүн мөөнөтүнөн мурда пенсияга укук берген тизмени жаңылоону сунуштап, долбоорду коомдук талкууга чыгарды.
Маалыматка караганда, 1996-жылдан бери колдонулуп келген эски тизмелер өзгөртүлүп, жаңы Эмгек кодексине ылайык кеңейтилет.
Натыйжада айрым кызматкерлер мөөнөтүнөн мурда пенсияга чыгуу мүмкүнчүлүгүнө ээ болот.
Долбоордо өзгөчө Токтогул ГЭСи жана Бишкек ЖЭБинде иштеген 66 кызмат ордун тизмеге кошуу сунушталууда.
Министрлер кабинети бул объекттерде иштегендер жогорку ызы-чуу, температуранын өзгөрүшү, нымдуулук жана зыяндуу буулар сыяктуу оор шарттарда эмгектенерин белгилейт.
Эгер сунуш кабыл алынса, мындай шартта иштеген кызматкерлердин эмгек стажы өзгөчө стаж катары эсептелип, аларга эрте пенсияга чыгууга жол ачылат.
