Улуттук госпиталда катаракта боюнча 300 акысыз операция жасалат
18-27-май аралыгында Улуттук госпиталда кытайлык офтальмолог дарыгерлер бейтаптарды акысыз текшерип, катаракта боюнча операцияларды жүргүзөт. Бул тууралуу Саламаттыкты сактоо министрлигинин басма сөз кызматы билдирди.
Маалыматка ылайык, иш-чара “Экспресс-ден соолук - жаркын саякат” эл аралык долбоорунун алкагында өтүп, жалпы 300 операция жасоо пландалууда.
Бардык процедуралар амбулатордук негизде жүргүзүлөт.
Бейтаптарды каттоо 12-майдан 18-майга чейин, иш күндөрү саат 09:00дөн 16:00гө чейин жүргүзүлөт.
Катталуу үчүн офтальмологдун жолдомосу, медициналык анализдер (кан, заара, ЭКГ, рентген), гепатит маркерлери жана өздүгүн тастыктаган документтер талап кылынат
