Ысык-Көл районунда сел өтүүчү канал курулууда
Ысык-Көл районунун Бактуу-Долоноту айылындагы Бактуу-Долоноту дарыясынын нугунда сел сууларын алып өтүүчү каналдын курулушу жүрүүдө. Бул тууралуу облустун өкүлчүлүгүнөн билдиришти.
Маалыматка караганда, аталган курулуш ӨКМге караштуу аймактарды коргоо боюнча региондор аралык борбор мамлекеттик ишканасы тарабынан жүрүүдө.
Учурда каналдын үчүнчү, төртүнчү участокторунда 1250 метр узундугунда куруу иштери жүрүүдө. Ошондой эле 3 унаа өтүүчү көпүрө курулат.
Долбоор боюнча сел өтүүчү каналдын жалпы узундугу 2500 метрди түзөт. 2025-жылы каналдын 1350 метр нугу жана 4 көпүрө курулган.
Каналды куруу иши аяктаса 60 турак үй, 20дан ашык конок үйү, 3 соода түйүнү, 2 кафе, 3 ат короо жайы, 1 мечит, Каракол - Бишкек негизги унаа жолунун 400 метри сел каптоодон корголот.
