Дары-дармектердин баасы жөнгө салынат
Саламаттык сактоо министрлиги бааларды жөнгө салуу жана препараттардын баалары жөнүндө маалымдуулукту жогорулатуу механизмдери аркылуу калк үчүн сапаттуу, коопсуз жана натыйжалуу дары каражаттарынын жеткиликтүүлүгүн жакшыртуу боюнча ишти улантууда. Бул тууралуу аталган министрликтин басма сөз кызматы билдирди.
Маалыматка ылайык, баалар жашоо үчүн маанилүү дары каражаттарынын тизмесиндеги дары-дармектерге жөнгө салынат, буга төмөнкүлөр кирбейт:
психотроптук жана баңгизат препараттары;
наркы 100 сомго чейинки, жеңилдетилген дары-дармек программаларына кирбеген препараттар (Мамлекеттик кепилдиктер программасы жана ММКнын Кошумча программасы);
жеңилдетилген дары-дармек программаларына кирбеген рецептсиз дары-дармектер;
"Кыргызфармация" МИ алып келген препараттар.
Саламаттыкты сактоо министрлиги калктын дары-дармек каражаттары жөнүндө маалымдуулугун жогорулатуу максатында функционалдык мүмкүнчүлүктөрү жакшыртылган "Дары-Дармек" мобилдик тиркемесин сунуштайт.
"Дары-Дармек" тиркемеси аркылуу колдонуучулар төмөнкүлөрдү аткара алышат:
Дары-дармектин катталышы жана анын өлкөдөгү белгиленген баасы жөнүндө билүү;
Керектүү дары бар жакынкы дарыкананы табуу;
Сатып алынган дары-дармек үй-бүлөлүк дарыгер тарабынан жазылган жеңилдетилген рецепт боюнча арзандатуу менен сатылышы мүмкүнчүлүгү бар экенин жана жеңилдетилген дары-дармек программаларына киргенин текшерүү;
Ашыкча төлөм тууралуу арызды түздөн-түз колдонмо аркылуу тапшыруу.
