Коом

Окумуштуулардын маянасына президенттик компенсациялык төлөмдөр төлөнөт

Сапар Акунбеков

13 мая 2026 12:03

Илимий уюмдардын кызматкерлерине айлык маянасына президенттик компенсациялык төлөмдөр төлөнөт. Тиешелүү токтомго Министрлер Кабинетинин Төрагасы Адылбек Касымалиев кол койду. Бул тууралуу президенттик админстрациянын маалыматтык саясат бөлүмүнөн билдиришти.

Маалыматка таянсак, документ илимий-изилдөө ишмердүүлүгүнүн натыйжалуулугун жана сапатын жогорулатуу, ошондой эле илимий мекемелердин кызматкерлерин материалдык жактан стимулдаштыруу максатында кабыл алынды.

Токтомго ылайык, илимий жана илимий-техникалык уюмдардын кызматкерлерине төмөнкү өлчөмдө президенттик компенсациялык төлөмдөр белгиленет:

административдик-башкаруу жана негизги персонал үчүн - 15 миң сом;

техникалык жана кенже персонал үчүн - 5 миң сом.

Төлөмдөр кызматкердин иш жүзүндө иштеген убактысына жараша эсептелет. Алар бийик тоолуу жана алыскы аймактарда иштегендиги жана жашагандыгы үчүн берилүүчү үстөк акыларды, жөлөк пулдарды жана кошумча төлөмдөрдү эсептөөдө эске алынбайт.

Эгер кызматкер толук эмес ставкада иштесе, компенсациялык төлөм эмгек жүктөмүнө жараша пропорционалдуу түрдө төлөнөт.

Финансы министрлигине 2026-жылга жана 2027–2028-жылдардын пландуу мезгилине республикалык бюджетке өзгөртүүлөрдү даярдоодо тиешелүү каражаттарды кароо тапшырылды.

Мындан тышкары окуңуз

Каракол шаарындагы чоң көчөлөрдүн бири оңдолот

Каракол шаарындагы негизги көчөлөрүнүн бири болгон Алышбаев көчөсүндө капиталдык оңдоо иштери жүргүзүлөт. Бул тууралуу Каракол шаардык мэриясынын басма сөз кызматы маалымдаады. Маалыматка ылайык, долбоордун алкагында Алышбаев көчөсү Карасаев көчөсүнөн баштап Чечерин көчөсүнө чейинки аралыгында узундугу 1 чакырым метр болгон жаңы эки тилкелүү асфальт жол курулат. Мындан тышкары, көчөнүн эки тарабына

Бишкек – Кант –Токмок жолуна асфальттын экинчи катмары төшөлүүдө

Бишкек – Кант – Токмок унаа жолуна асфальт басуу уланууда. Бул тууралуу Транспорт жана коммуникациялар министрлигинин маалымат кызматы билдирди. Маалыматка ылайык, учурда аталган унаа жолдо асфальттын экинчи катмарын төшөө иштери кызуу жүрүп, 2 чакырымына асфальт басылып бүттү. Аны менен катар Лермонтов көчөсүнөн баштап, Калинин көчөсүн көздөй ортодогу тосмолор орнотулуп жана жарыктандыруу мамычалары

Адал-индустриянын талаптарын бузгандарга айып пул салынат

Президент Садыр Жапаров «Укук бузуулар жөнүндө кодекске өзгөртүүлөрдү киргизүү тууралуу» мыйзамга кол койду. Жаңы мыйзамга ылайык, адал өндүрүмдөрдү жана адал кызматтарды өндүрүү, сактоо, ташуу, сертификаттоо жана жүгүртүү боюнча талаптарды бузгандарга административдик жоопкерчилик киргизилди. Ага ылайык, жеке жактарга 7 500 сом, юридикалык жактарга 23 миң сом айып пул каралган. Ал эми

Наталья Никитенко жаңы кызматка дайындалды

Наталья Никитенко Жогорку Кеңешке караштуу “Парламентти жана демократияны өнүктүрүү борбору” мамлекеттик мекемесинин директору болуп дайындалды. Жогорку Кеңештин басма сөз кызматынын маалыматына караганда, тиешелүү тескемеге парламент төрагасы Марлен Маматалиев кол койду. Белгилей кетсек, Наталья Никитенко V жана VI чакырылыштагы Жогорку Кеңештин депутаты болгон. Ошондой эле төраганын орун басарлык милдетин дагы аткарган.