Ата мекендик өндүрүүчүлөрдү колдоо маселеси көтөрүлдү
Жогорку Кеңештин депутаты Айгүл Карабекова 14-майдагы парламенттин жыйынында мамлекеттик сатып алуулар системасына байланыштуу маселе көтөрүп, ата мекендик өндүрүүчүлөрдү колдоону күчөтүү зарылдыгын белгиледи.
Эл өкүлү мамлекеттик сатып алууларда ата мекендик өндүрүүчүлөрдүн продукцияларына артыкчылык берүү керектигин айтып, ага “Интергласс” жана “Маткасымов” сыяктуу бир катар жергиликтүү ишканаларды мисал кылды.
Ошондой эле өндүрүш боюнча улуттук агенттик түзүү мүмкүнчүлүгүн кароону сунуштап, мындай түзүм ата мекендик бизнести колдоо, экспортту стимулдаштыруу жана кыргыз продукциясынын атаандаштыкка жөндөмдүүлүгүн жогорулатуу жаатындагы мамлекеттик саясатты калыптандырууга өбөлгө түзөрүн кошумчалады.
