Эрлист Акунбеков этти кайра иштетүүчү ишканалардын өкүлдөрү менен жолукту
13-майда МинКаб Төрагасынын орун басары Эрлист Акунбеков ата мекендик этти кайра иштетүүчү ишканалардын өкүлдөрү менен жолугушуу өткөрдү. Бул тууралуу Айыл чарба министрлигинин басма сөз катчысы билдирди.
Маалыматка караганда, жолугушууда этти кайра иштетүү тармагындагы учурдагы көйгөйлөр, ишканаларды чийки зат менен камсыздоо, ата мекендик өндүрүштү колдоо, бааларды турукташтыруу, азык-түлүк жана ветеринардык коопсуздукту камсыз кылуу, ошондой эле экспорттук мүмкүнчүлүктөрдү кеңейтүү маселелери талкууланды.
Мындан тышкары, тармакты өнүктүрүү, өндүрүш кубаттуулугун жогорулатуу жана мамлекет менен жеке сектордун кызматташтыгын чыңдоо боюнча сунуштар каралды.
