Code 95 сертификатын алуу боюнча окутууга расмий кабыл алуу башталды
19-майда “TVG Group” эл аралык транспорт компаниясынын директору Ситавичюс Альбертас менен жолугушуу болуп, Кыргызстандын жарандарын европалык стандарт боюнча окутуу жана аларды Европа өлкөлөрүндө жумуш менен камсыз кылуу маселелерин талкууланды. Бул тууралуу Президенттин Иш башкармалыгынын жетекчиси Каныбек Туманбаев өзүнүн фейсбук баракчасына жазды.
Окутуу программасы Кыргызстанда өткөрүлүп, эл аралык европалык стандарттардын негизинде жүргүзүлөт. Бул жарандарга Европа өлкөлөрүнө баргандан кийин кошумча окуудан өтпөстөн сертификат алып эле ишмердүүлүгүн баштоого мүмкүнчүлүк түзөт.
Ситавичюс Альбертастын айтымында, бүгүнкү күндө алардын компаниясына эле 1000ден ашык оор жүк ташуучу унаалардын айдоочулары талап кылынат. Европада мындай адистердин айлык маянасы 2500 евродон жогору.
Негизги максатыбыз – жарандарды сапаттуу окутуу менен катар аларды туруктуу жумуш мүмкүнчүлүктөрү менен камсыз кылуу.
Кабыл алуу боюнча кеңири маалыматты төмөндөгү номер аркылуу алсаңыздар болот:
+996 555 793 555
