Кант шаарында опузалап акча талап кылган жактоочу кармалды
Кант шаарында опузалап акча талап кылган жактоочу кармалды. Бул тууралуу УКМКнын басма сөз кызматы билдирди.
Маалыматка караганда, атайын кызмат тарабынан 19-майда коррупциялык схемаларды жоюу иштеринин, ошондой эле Кылмыш-жаза кодексинин "Опузалап талап кылуу" беренеси боюнча козголгон кылмыш ишинин алкагында С.Р.Т. аттуу жактоочу кармалган.
Кылмышка шектүү С.Р.Т. коркутуу жана шантаж жолу менен А.М.М. дан ага карата берилген доо арыздарды кайтарып алуу үчүн ири өлчөмдө акча опузалаганы аныкталган.
Жүргүзүлгөн ыкчам иш-чаралардын жыйынтыгында кармалган С.Р.Т. УКМКнын тергөө абагына киргизилди.
Учурда бул фактынын негизинде тергөө амалдары улантылууда.
