Чубак ажы Жалиловго "Эл Баатыры" наамы ыйгарылды
Президенти Садыр Жапаров кол койгон Жарлыкка ылайык, Кыргызстан мусулмандарынын дин башкармалыгынын экс-муфтийи Жалилов Чубак Тажибаевичке "Ак Шумкар" өзгөчө белгисин тапшыруу менен "Кыргыз Республикасынын Эл Баатыры" эң жогорку артыкчылык даражасы ыйгарылды (каза болгондон кийин).
Мамлекеттик сыйлык Чубак ажы Жалиловдун диний билим берүүнү жана руханий агартууну өнүктүрүүгө, моралдык-адеп-ахлактык баалуулуктарды калыптандырууга, ошондой эле элдин маданий-диний салттарын сактоого кошкон өзгөчө салымы үчүн берилди.
Чубак ажы Жалилов кыргыз коомчулугунда диний агартуу тармагындагы ишмердиги, элге айткан насааттары жана руханий баалуулуктарды жайылтуудагы эмгеги менен кеңири таанылган.
