Кыргызгидромет: Бүгүн өлкөнүн тоолуу аймактарында сел жүрүшү мүмкүн
Кыргызгидрометтин маалыматына ылайык, 28-май күнү өлкөнүн тоо этектеринде жана тоолуу райондорунда кээ бир аймактарда нөшөрлүү жаан жаашы күтүлөт. Ага байланыштуу сел жүрүп, дарыяларда суунун деңгээли көтөрүлүшү мүмкүн.
Билдирүүгө караганда, Каракол — Эңилчек унаа жолунун 75–90-чакырымдарында, тактап айтканда Чоң-Ашуу ашуусунда кар жаашы жана кар көчкү түшүү коркунучу бар экени болжолдонууда. Бул аймак деңиз деңгээлинен 3400–3900 метр бийиктикте жайгашкан.
Түнкүсүн жолдордо муз тоңуу коркунучу да сакталат.
Ушуга байланыштуу айдоочуларга кар көчкү коркунучу бар тилкелерде өзгөчө этият болуу, ошондой эле унаалардын ортосундагы аралыкты кеминде 500 метр сактоо сунушталат.
